صدر وحید اور سر ڈان میک کینن نے سی این آئی تعطل پر کامیابی حاصل کر لی

مالے، مالدیپ، 25 مئی 2012ء/پی آر نیوز وائر/–

مالدیپ میں ایک فیکٹ فائنڈنگ مشن کے بعد دولت مشترکہ کے خصوصی سفیر سر ڈان میک کینن نے کمیٹی آف نیشنل انکوائری (CNI) کو “غیر جانبدار، قابل بھروسہ اور وسیع پیمانے پر قابل قبول” قرار دیا ہے۔ سی این آئی فروری 2012ء میں مالدیپ میں قیادت کی منتقلی کے عمل کی تحقیقات کے لیے صدر وحید نے قائم کی تھی۔

صدر وحید کی دعوت پر سر ڈان نے 10 سے 15 مئی کے درمیان مالدیپ کا دورہ کیا، جس کا مقصد سی این آئی کو مستحکم کرنے میں مدد دینا اور حکومت اور حزب اختلاف کے اسٹیک ہولڈرز کے درمیان تعمیری مذاکرات کو سہل بنانا تھا۔

15 مئی 2012ء کو حکومت مالدیپ سر ڈان کے ساتھ ایک معاہدے پر پہنچی تاکہ سی این آئی کے ارادوں پر بہتر توجہ مرکوز کی جا سکے، تاکہ تحقیق کی قوتوں کو مستحکم کیا جا سکے اور متفقہ معیارات کے سلسلے کےساتھ سی این آئی رکنیت کو بڑھایا جا سکے۔

سر ڈان کے ساتھ مذاکرات میں صدر وحید نے دولت مشترکہ کے ساتھ حکومت کی وابستگی کا اعادہ کیا اور اس اہم کردار کو نمایاں کیا جو سی این آئی مالدیپ میں جمہوری عمل کو سہل بنانے کے لیے ادا کرے گا۔

مالدیپ حکومت سابق صدر نشید کے استعفے کے بعد سے دولت مشترکہ کے ساتھ مل کر کام کررہی ہے۔

سر ڈان کے ساتھ مذاکرات کے بعد صدروحید نے کہا کہ :

“ہم کمیٹی آف نیشنل انکوائری کے لیے سر ڈان میک کینن کی حمایت کا خیرمقدم کرتے ہیں اور خوش ہیں کہ دولت مشترکہ کی جانب سے تمام خدشات کو حل کر لیا جائے گا۔ حکومت بدستور دولت مشترکہ میں ایک مکمل اور متحرک کردار ادا کرنے سے وابستہ ہے اور ہماری نظریں آگے بڑھتے ہوئے اپنے دولت مشترکہ کے ساتھیوں کے ساتھ تعمیری انداز میں کام کرنے پر مرکوز ہیں۔”

ذریعہ: جمہوریہ مالدیپ

Leave a Reply