Tag Archives: Air Cargo World UBM Aviation

ایئر کارگو ورلڈ نے 2012ء ایئر کارگو ایکسی لینس سروے کے نتائج شایع کر دیے

ساؤتھ ویسٹ، قطر اور ایمرٹس سرفہرست۔

انکوریج، فرینکفرٹ اور ہانگ کانگ کے ہوائی اڈوں نے اپنے خطوں میں اعزازات جیتے۔

اٹلانٹا، 12 مارچ 2012ء/پی آرنیوزوائر/–

فضائی لاجسٹکس اور باربرداری کی نقل و حمل کے عالمی خبری ادارے ایئر کارگو ورلڈ نے آج اپنے آٹھویں سالانہ ایئر کارگو ایکسی لینس (ACE) سروے کے نتائج کی رونمائی کر دی ہے، جو مخصوص معیارات اور درجہ بندیوں پر باربردار اداروں اور ہوائی اڈوں کی  آزادانہ قدر پیمائی کرتا ہے تاکہ جانچ سکے کہ مختلف شعبوں میں ان کی کارکردگی اوسط سے کتنی اوپر یا نیچے ہے۔ باربردار اداروں کی درجہ بندیوں کا تعین فریٹ فارورڈرز، اور ہوائی اڈوں کی درجہ بندیوں کا ایئر لائنوں سے کیا گیا ہے۔ ہر سروے کے لیے مخصوص خریدار گروہوں کی موجودکي کا مقصد یقینی بنانا ہے کہ صرف حقیقی صارف ہی کو اپنے خدمات فراہم کنندہ کو درجہ دینے کی اجازت ہو، اور یوں نتائج کی بہتری کو یقینی بنایا جائے۔

(لوگو: http://photos.prnewswire.com/prnh/20120312/NY69031LOGO)

سالانہ اے سی ای سروے ایئرلائنوں اور ہوائی اڈوں کے جداگانہ سرویز پر مشتمل ہے جس نے گزشتہ 12 ماہ میں ان کی کارکردگی کی پیمائش کی ۔ ایئر لائنوں کی صارفی خدمت، کارکردگی، قدر و انفارمیشن ٹیکنالوجی پر؛ ہوائی اڈوں کی کارکردگی، قدر، تنصیبات اور انضباطی آپریشنز کی بنیاد پر درجے دیے گئے ہر پیمائش کے لیے اوسط درجہ بندی کو ہر گروپ میں شمار کیا گیا، اور اوسط کو 100 کی قدر کے ساتھ فہرست کا حصہ بنا دیا گیا۔ ایئرلائنوں اور ہوائی اڈوں کے لیے درجہ بندیوں کو، اوسط کی نسبت سے، فہرست شدہ اسکور کی صورت میں پیش کیا گیا، تاکہ آسان تقابل کیا جا سکے۔ 100 سے زائد اسکور اوسط سے زیادہ بہتر کارکردگی کو ظاہر کرتے ہیں۔ 100 سے کم اسکورز اوسط سے کم درجے کی کارکردگی کو ظاہر کرتے ہیں۔ 100 کے اسکورز اوسط کارکردگی کو ظاہر کرتے ہیں۔

مکمل نتائج کل، 13 مارچ، سے www.aircargoworld.com  پر آن لائن دستیاب ہوں گے۔ نتائج ماہانہ جریدے کے اپریل کے شمارے میں بھی پیش کیے جائیں گے، جسے یو بی ایم ایوی ایشن (www.ubmaviation.com) کی جانب سے شایع کیا جاتا ہے۔

ایئر کارگو ورلڈ کے پبلشر اسٹیو پرنس نے کہا کہ “اے سی ای سروے کارکردگی کے کلیدی پیمانوں پر قابلِ تعین صارفی تعامل کے ساتھ صنعت کے لیے ایک معیار فراہم کرتا ہے۔ رواں سال کے نتائج میں 101 یا زیادہ کی درجہ بندی حاصل کرنے والی ایئرلائنوں اور ہوائی اڈوں کے فیصد میں سال بہ سال معمولی تبدیلی  آئی ہے۔ 2010ء سروے نے ظاہر کیا کہ 50 فیصد ہوائی اڈے اور 47 فیصد ایئر لائنوں نے 100 کے صنعتی اوسط سے زیادہ بہتر درجہ حاصل کیا۔ رواں سال یہ اعداد و شمار بالترتیب 49 اور 46 فیصد کے ساتھ معمولی تبدیلی آئی ہے۔”

ایمرٹس ایئر کارگو، قطر ایئرویز اور ساؤتھ ویسٹ ایئرلائنز کارگو نے گزشتہ 12 ماہ میں فریٹ فارورڈرزکو سب سے زیادہ متاثر کیا، تینوں نے اپنی گنجائش کے لحاظ سے سرفہرست مجموعی درجہ بندی حاصل کی۔ جبکہ الامارات اور ساؤتھ ویسٹ ماضی میں سرفہرست درجے حاصل کر چکے ہیں، قطر نے پہلی مرتبہ اول درجہ حاصل کیا ہے۔ لفتھانسا، کارگولکس اور سوئس ورلڈ کارگو متعلقہ گنجائش کے زمروں میں دوسرے نمبر پر رہے۔

فضائی مال برداروں کی جانب سے سب سے زیادہ درجہ دیے گئے ہوائی اڈوں میں سب سے زیادہ گنجائش کے زمرے میں شمالی امریکہ میں انکوریج، یورپ میں فرینکفرٹ اور ایشیا میں ہانگ کانگ شامل رہے۔ انکوریج نے میمفس کو پیچھے چھوڑتے ہوئے شمالی امریکہ میں سرفہرست مقام حاصل کیا ہے، جبکہ فرینکفرٹ نے گزشتہ سال کے فاتح ایمسٹرڈیم کو شکست دی۔ فرینکفرٹ اور ایمسٹرڈیم نے گزشتہ چند سالوں میں زبردست تسلسل ظاہر کیا ہے اور 2006ء سے سرفہرست دو میں شامل ہیں۔ دوسری جانب ہانگ کانگ، جو گزشتہ سال درجے میں وسط میں تھا، لیکن اس سال کے سروے میں آگے بڑھتے ہوئے سرفہرست آ گیا ہے۔

مال کی کم گنجائش کے حامل ہوائی اڈوں کی سرفہرست درجہ بندی میں شمالی امریکہ میں ہیوسٹن اور روک فرڈ؛ یورپ میں زیورخ اور لیپ زِگ؛ لاطینی امریکہ میں سانتیاگو؛ ایشیا میں اوساکا اور مکاؤ؛ اور مشرق وسطیٰ و افریقہ میں دبئی شامل ہیں۔ مال بردار اور ہوائی اڈے سروے کے نتائج کو صارفین کی آنکھوں سے اپنی سال بہ سال کارکردگی کو جانچنے کے لیے استعمال کرتے ہیں ۔ سروے انہیں اپنے مقابل اداروں کے خلاف اپنے کام کو بہتر بنانے میں بھی مدد دیتا ہے۔

ایئر کارگو ایکسی لینس سروے کے بارے میں مزید جاننے کے لیے www.aircargoworld.com ملاحظہ کیجیے یا ناشر اسٹیو پرنس سے +1 770-642-9170 پر رابطہ کیجیے۔ ایئر کارگو ورلڈ کے لیے سبسکرائب کیجیے، aircargoworld@ubmaviation.com پر کسٹمر سروس سے رابطہ کیجیے۔

ایئر کارگو ورلڈ کے بارے میں

ایئر کارگو ورلڈ ایئر فریٹ صنعت کی معروف عالمی اشاعت ہے۔ بین الاقوامی اور امریکی شمارے ڈیجیٹل اور پرنٹ دونوں فارمیٹس میں ہر ماہ شایع کیے جاتے ہیں۔ اپنی معلومات سے بھرپور ساتھی ویب سائٹ (www.aircargoworld.com) اور متعدد خصوصی سالانہ ڈائریکٹریز کے ذریعے ایئر کارگو ورلڈ لاجسٹکس کے ماہرین، شپرز، ایئر فریٹ فارورڈرز، درآمد کنندگان، برآمد کنندگان اور ایئر فریٹ کے شعبے میں نقل و حمل کی مصنوعات و خدمات حاصل کرنے والے دیگر افراد کو عالمی ایئر فریٹ خبریں، تجزیے، خصوصی مضامین، رپورٹیں اور اعداد و شمار فرہم کرتا ہے۔

ایئر کارگو ورلڈ 1942ء میں قائم کیا گیا تھا۔ آج یہ شمالی امریکہ ایڈیشن میں 16,500 اور یورپ، ایشیا، لاطینی امریکہ اور مشرق وسطیٰ میں بین الاقوامی ایڈیشن کے لیے 17,000 افراد کی سبسکرپشن کا حامل ہے۔ یہ اعداد و شمار اسے کسی بھی ایئر کارگو میگزین کے لیے سب سے بڑی اشاعت بناتے ہیں۔ اس کا سالانہ ایئر کارگو ایکسی لینس سروے معروف ہے اور دنیا بھر میں ایئر لائنوں اور ہوائی اڈوں کی جانب سے تسلیم کیا جاتا ہے۔ ایئر کارگو ورلڈ یو بی ایم ایوی ایشن برانڈ ہے۔

یو بی ایم ایوی ایشن کے بارے میں
یو بی ایم پی ایل سی کمپنی یو بی ایم ایوی ایشن جدید مارکیٹ رہنما ہوا بازی حل کی بانی ہے۔ ہماری فوری طور پر تسلیم شدہ برانڈز ایسے اعداد و شمار، تجزیے، تقریبات، ابلاغی اور مشاورتی خدمات فراہم کرتے ہیں جو ہمارے صارفین کے کاروباروں کو ترقی و مالیاتی نمو کی راہ پر گامزن کرتے ہیں۔ مزید معلومات کے لیے ملاحظہ کیجیے www.ubmaviation.com۔

رابطہ: اینڈریو سبلے، کارپوریٹ کمیونی کیشنز، یو بی ایم ایوی ایشن، pressoffice@ubmaviation.com